GEGURITAN AKROSTIK

Basa Krama

Dening Eko  Raharjo

Basa kang adab

Agawe adheme ati

Sasat bisa ngluruhke duka

Ambagusi basa iku wajib!

Kadang lan sanak mratela ing pakurmatan

Rinengganing basa tansah dijaga

Adhi marang kakang abasa krama

Mas apa dene rama tansah ngendika aris ngokone

Apa sliramu kaya mangkono?

                                                                        Surabaya, 2 Desember 2017

 Ayo Ngguyu

Dening Eko Raharjo

awan iki panase nyuled sirah

Yen dipindhaake kaya mangkono

Ora krasa kringet nelesi kelek

Ndilalah ana kucing kerah karo pitik

Gereng-gereng rebutan upa

gegere sampek keprungi saka walike bumi

udur-uduran wiwit bang wetan mlethek tekan surup

ya nyucuk ya nyakar

ucap padune kaya wong lagi rebutan kursi

                                                                        Bumi Kemesun, 4 Desember 2017

 Sinau Rek

 Dening : Eko

Satengahing langit kang peteng lelimengan

Igul-igul mosike lintang katon sumunar

nengsemake atine wong kang lagi jumangkah

agawe panjurung kareben mlayu sipat kuping

Unggul kang diajab

rehning Gusti Pengeran sugih

eman menawa ora nyenyuwun

karo maneh Panjenengane remen kawula kang temen

                                                                        Surabaya, 4 Desember 2017